ಗಾಳಿ ಸುಳಿದು ಸುಳಿದು
ಸವಕಲಾದ ಕಿರುದಾರಿಯಲಿ
ನೀನು ಸುಳಿದಾಡಿದ್ದು ಮತ್ತೆ ನೆನಪಾಗಿದೆ.
ಚಳಿಗೆ ಮುಖವೊಡ್ಡಿ
ಬಿರುಕಾದ ತುಟಿಯಿಂದ
ನೀನು ಗುನುಗುತಿದ್ದ ಹಾಡು ಮತ್ತೆ ನೆನಪಾಗಿದೆ.
ಗೆಜ್ಜೆಕಟ್ಟಿ ಕುಣಿಯುವಾಗ
ಬಯಲೆಲ್ಲ ಹೆಜ್ಜೆ ಗುರುತಿಗೆ
ಗುರಿಯಾಗಿದ್ದು ಮತ್ತೆ ನೆನಪಾಗಿದೆ.
ಹಿಗ್ಗಿ ಹಿಗ್ಗಿ ನಕ್ಕು
ನೀನು ನನ್ನ ಹಿಗ್ಗಿಸಿದ್ದು ಮತ್ತೆ ನೆನಪಾಗಿದೆ.
ಅತ್ತೂ ಕರೆದು
ನೀನು ನನ್ನ ಪ್ರೀತಿಸಿದ್ದು ಮತ್ತೆ ನೆನಪಾಗಿದೆ.
ಕಾಲದ ಸುಳಿಯಲ್ಲಿ ಸಿಕ್ಕಿ
ಈಗ ಎಲ್ಲವೂ ನೆನಪಾಗಿದೆ(ನೆನಪು ಮಾತ್ರ)!!!!
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ