ಪರಿಮಳದ ನಕಾಶೆಯ ಬಿಂದುವೊಂದರಲ್ಲಿ
ನಿಂತು ನಗುತ್ತಿದ್ದಾನೆ ಹುಡುಗ
ನನ್ನ ಹುಡುಕಾಟದ ಹತಾಶೆಯ ಕಂಡು.
ಆ ದಾರಿ ಈ ದಾರಿ ಎಂದು ನಾನು
ಮೂಗು ಅರಳಿಸಿಕೊಂಡು
ಚಲಿಸಿ ಚಲಿಸಿ ಸೋತು
ತಲುಪಲಾಗದ ಸ್ಥಳಗಳನ್ನೆಲ್ಲ
ಪಿಂಡಿ ಕಟ್ಟಿ ಒಗೆದರೆ ಹಿಡಿದುಕೊಳ್ಳುತ್ತಾನೆ
ಅವನು ಬಂದು.
ಪ್ರತೀ ಹಾದಿಯ ಪರಿಮಳವನ್ನೂ
ಅಳೆದು ರಚಿಸಿದ ನಕಾಶೆಯ
ಅವನು ಅಲ್ಲಗಳೆಯುತ್ತಾನೆ;
ಬೇಸತ್ತು ನಿಟ್ಟುಸಿರಿಟ್ಟು
ಅವನು ಕದಡುವ ಗಾಳಿ
ನಕಾಶೆಯ ಅಸ್ತಿತ್ವವನ್ನು ಹಾಳುಮಾಡುತ್ತದೆ.
ನಾನು ಸದಾ ಹುಡುಕುವ ಅವನೂ
ಒಂದು ಪರಿಮಳವೇ ಆಗಿದ್ದಾನೆ.
ನಕಾಶೆಯ ಒಂದೇ ಬಿಂದುವಿನಲ್ಲಿ
ಅವನನ್ನು ಹಿಡಿದಿಡಲಾಗುವುದಿಲ್ಲ;
ಬಿಡದೇ ಹುಡುಕುತ್ತಿರಬೇಕು
ಅವನ ಬಿಡರಾವನ್ನು
ಅವನನ್ನು ಹುಡುಕದೇ ಇರಲಾಗುವುದಿಲ್ಲ.
ನಿಂತು ನಗುತ್ತಿದ್ದಾನೆ ಹುಡುಗ
ನನ್ನ ಹುಡುಕಾಟದ ಹತಾಶೆಯ ಕಂಡು.
ಆ ದಾರಿ ಈ ದಾರಿ ಎಂದು ನಾನು
ಮೂಗು ಅರಳಿಸಿಕೊಂಡು
ಚಲಿಸಿ ಚಲಿಸಿ ಸೋತು
ತಲುಪಲಾಗದ ಸ್ಥಳಗಳನ್ನೆಲ್ಲ
ಪಿಂಡಿ ಕಟ್ಟಿ ಒಗೆದರೆ ಹಿಡಿದುಕೊಳ್ಳುತ್ತಾನೆ
ಅವನು ಬಂದು.
ಪ್ರತೀ ಹಾದಿಯ ಪರಿಮಳವನ್ನೂ
ಅಳೆದು ರಚಿಸಿದ ನಕಾಶೆಯ
ಅವನು ಅಲ್ಲಗಳೆಯುತ್ತಾನೆ;
ಬೇಸತ್ತು ನಿಟ್ಟುಸಿರಿಟ್ಟು
ಅವನು ಕದಡುವ ಗಾಳಿ
ನಕಾಶೆಯ ಅಸ್ತಿತ್ವವನ್ನು ಹಾಳುಮಾಡುತ್ತದೆ.
ನಾನು ಸದಾ ಹುಡುಕುವ ಅವನೂ
ಒಂದು ಪರಿಮಳವೇ ಆಗಿದ್ದಾನೆ.
ನಕಾಶೆಯ ಒಂದೇ ಬಿಂದುವಿನಲ್ಲಿ
ಅವನನ್ನು ಹಿಡಿದಿಡಲಾಗುವುದಿಲ್ಲ;
ಬಿಡದೇ ಹುಡುಕುತ್ತಿರಬೇಕು
ಅವನ ಬಿಡರಾವನ್ನು
ಅವನನ್ನು ಹುಡುಕದೇ ಇರಲಾಗುವುದಿಲ್ಲ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ