ವೃತ್ತದೊಳಗಿನ ಬೇರೆ ಬೇರೆ ಪರಿಧಿಗಳಲ್ಲಿ
ಸುತ್ತುತ್ತಿದ್ದೇವೆ ನಾವು
ಒಂದೇ ರಸ್ತೆಯ ಬೇರೆ ಬೇರೆ ಬದಿಗಳಲ್ಲಿ
ಒಂದೇ ನೀರಿನ ಬೇರೆ ಬೇರೆ ಹನಿಗಳಲ್ಲಿ
ನಾನು ಒಂಟಿಯಾಗಿ
ನೀನೂ ಒಂಟಿಯಾಗಿ
ತೊಡಕಿಲ್ಲದೆ ಜರುಗುವ
ಸಮಾರಂಭದಂತೆ
ನಾವು ನಮ್ಮ ಕಕ್ಷೆಗಳಲ್ಲೇ
ಕಳೆದುಹೋಗಿದ್ದೇವೆ.

ಈ ಊರಿನ ಬೇರೆಬೇರೆ ಗಲ್ಲಿಗಳನ್ನು
ಬೇರೆಬೇರೆ ಸಮಯಗಳಲ್ಲಿ ಸುತ್ತಿ
ಸುಸ್ತಾಗಿದ್ದೇವೆ
ನಾನು ಒಂಟಿಯಾಗಿ
ನೀನೂ ಕೂಡ ಒಂಟಿಯಾಗಿ
ಯಾವುದೋ ಮುಳ್ಳು ಬೇಲಿ
ಬದಿಯ ನೀಲಿ ಹೂವು ಕಂಡು
ಬೆರಗಾದಗಿದ್ದು ಕೂಡ
ಬೇರೆ ಬೇರೆ ಸಮಯದಲ್ಲೇ.

ಮುಗಿದುಹೋದ ಹಗಲಿನ ಕತ್ತಲಲ್ಲಿ
ನಡೆಯುವಾಗ ಎಡವಿ ಬಿದ್ದು
ಒಬ್ಬರಿಗೊಬ್ಬರು ಕೈಹಿಡಿದು
ಎಬ್ಬಿಸಿ ಸಂತೈಸಿ ಮಾತನಾಡಿಯೂ ಸಹ
ಬೇರೆಬೇರೆಯಾಗಿಯೇ ಉಳಿಯುತ್ತೇವೆ;
ಕತ್ತಲಿಗೇನುಗೊತ್ತು
ನಾವು ಒಬ್ಬರಿಗೊಬ್ಬರು ಮೋಹಿಸುವುದು
ನಮ್ಮ ಅಜ್ಞಾತ ಪ್ರೇಮವೂ
ನಮ್ಮನ್ನು ಕೂಡಿಸುವುದಿಲ್ಲ.