12th June, 20011

ನಾನಿನ್ನೂ ಅಲ್ಲೇ ಕುಳಿತಿದ್ದೇನೆ........

ಹೊತ್ತು ಎಷ್ಟೆಂದು ಗೊತ್ತಿಲ್ಲ,
ಹೊತ್ತುತಂದ ಚೀಲ ಹತ್ತಿರದಲ್ಲೇ ಇದೆ.
ಮತ್ತೆ ನೀ ಬಂದು
ನನ್ನ ಹೊತ್ತೊಯ್ಯುವೆಯೆಂಬ ಕನಸು;
ನಾನು ಕನಸೊಳಗೇ ಇರಬಯಸುತ್ತೇನೆ....

ಹತ್ತು ಹಲಗೆಯ ಮೇಲೆ ಕುಳಿತು ಅತ್ತಿದ್ದೇನೆ,
ನೀ ಬಂದೀಯೆಂಬ ಭ್ರಮೆಯೊಳಗೆ ಸುತ್ತಿದ್ದೇನೆ;
ಕತ್ತೆತ್ತಿ ರಾಶಿನಕ್ಷತ್ರಗಳ ನೋಡಿ
ಮತ್ತೆ ಭ್ರಮೆಯೊಳಗೆ ನುಗ್ಗಿದ್ದೇನೆ.....

ನೀನು ದೂರಾಗಿ
ದೂರ ನೋವಾಗಿ
ನೋವು ಕಣ್ಣೀರಾಗಿ ಹರಿದು ಹೋಗುತ್ತದೆ;
ದೂರುವುದರಿಂದಾಗಲಿ,
ದೂರಾಗುವುದರಿಂದಾಗಲೀ,
ಸಂಭಂದಗಳು ಹರಿದುಹೊಗುವುದಿಲ್ಲ.

ನಾನಿನ್ನೂ ಅಲ್ಲೇ ಕುಳಿತಿದ್ದೇನೆ.........
ಈ ಕಾಯುವ ಕ್ರಿಯೆಗೆ ಕೊನೆಯಿಲ್ಲ.