೧೧-೦೭-೨೦೦೭

ನೀರು ಹರಿಯುವ ತಿರುವಿನಲ್ಲಿರುವ
ಮರದ ಕೊಂಬೆಗೆ
ನಮ್ಮ ಹರಯದ ಅಂಗಿ ಸಿಕ್ಕಿ ಹರಿದಮೇಲೆ,
ಹಾಗೇ ಗಂಭೀರವಾಗಿ ಸಾಗಿದ್ದೇವೆ;

ಪ್ರವಾಹದಲ್ಲಿನ ಕಲ್ಲು ಮುಳ್ಳುಗಳ ಬಡಿತಕ್ಕೆ
ನೀನು ಕಂಗಾಲಾಗದೆ
ನನ್ನನ್ನೂ ಸಮಾಧಾನಪಡಿಸಿರುವೆ.

ಆಳದ ಕಣಿವೆಯಲ್ಲಿ ಬಿದ್ದು
ಒಡೆದುಹೋದ ಹುಡುಗಾಟದ ಮಾತುಗಳ
ಮೌನವಾಗಿ ಸಹಿಸಿದ್ದೇವೆ......

ನಿನ್ನನ್ನು ಅರ್ಥಮಾಡಿಕೊಂಡಿದ್ದೆ!
ನೀನು ಒಗಟಾದಮೇಲೂ
ನೀನು ಒರಟಾದಮೇಲೂ
ಸಹಿಸಿಕೊಂಡಿದ್ದೇನೆ!!!

ಮರುಭೂಮಿಯ ಮರಳದಿಬ್ಬಕ್ಕೆ ಆತುಕೊಂಡಿದ್ದೇವೆ.
ನಾ ನಿನ್ನ ತಬ್ಬಿಕೊಂಡಿದ್ದೇನೆ,
ನಿನ್ನ ಪ್ರೀತಿ ನನ್ನ ತಬ್ಬಿದೆ.