೦೭-೦೨-೨೦೧೧

ಕಾಣದ ಕತ್ತಲಲಿ
ನಾ ನಕ್ಷತ್ರವಾಗಿ
ಬೆಳಕು ಸುರಿಯಬೇಕೆಂದಿದ್ದೆ,
ನೀನು ರಾತ್ರಿಯಲ್ಲಿ ಕಾಣಲಿಲ್ಲ,
ನಾನೂ ಬೆಳಕು ಸುರಿಯಲಿಲ್ಲ......

ಕತ್ತಲೊಳಗೆ ಬೆಳಕೂ ಕರಗಿಹೋಗುವುದಂತೆ;
ನಾನು ಕತ್ತಲಾಗಿ ನಿನ್ನ ಆವರಿಸಬೇಕೆಂದಿದ್ದೆ
ಆದರೆ,
ನೀನೇ ಕತ್ತಲಾಗಿ ಎಲ್ಲಿ ಅಡಗಿರುವೆಯೋ.....

ಕತ್ತಲೆ ಬೆಳಕಾಗಿಯೂ
ಬೆಳಕು ಕತ್ತಲಾಗಿಯೂ ತಿರುಗುವ
ಬಣ್ಣದ ಬಾನಂಚಿನಲ್ಲಿ
ನೀ ಸಿಗುತ್ತಿದ್ದೆ ದಿನವೂ.........

ನಾನು ನೀನಾಗಿಯೂ
ನೀನು ನಾನಾಗಿಯೂ
ಬದಲಾಗಬಹುದಾದಷ್ಟು ಹರಟಿದ್ದೂ ಆಯ್ತು..........

ಹಗಲು ರಾತ್ರಿಯಾಗಿ
ರಾತ್ರಿ ಹಗಲಾಗಿ ಬದಲಾಗುತ್ತಿದೆ,
ನಾವೂ ಬದಲಾಗುತ್ತಿದ್ದೇವೆ
ಭಾವನೆಗಳ ಮನದೊಳಗೇ ಅದುಮಿ.